تريد تقنعني أنه اذا وزني ١٠٠ كيلو و صرت ٩٥ أو ٩٠ راح تفرق بصحتي؟؟
خلي احچيها الك بالارقام، شيصير إذا خسرت ٥-١٠٪ من وزنك:
💢 سكرك راح يكون مسيطر عليه اكثر، بحيث التراكمي راح يقل نص درجة يعني مثلا اذا كان سبعة ونص يصير سبعة.
💢 فحص السكر عالريق راح يقل ٢٠، يعني اذا قبل كان ١١٠ يصير ٩٠.
💢 الضغط راح ينزل ٥ مليممتر زئبق يعني اذا كان ١٣ ونص، يصير ١٣.
💢 فحص الدهون الثلاثية راح تنزل ٤٠ ملغم.
💢 فحص الكوليسترول المفيد راح يزيد ٥ ملغم.
💢 راح تقلل خطورة إصابتك بأمراض السرطان المرتبطة بالسمنة بنسبة ١٨٪.
دكتور السمنة شالها علاقة بالسرطان؟؟ كافي تخوفنا.
عيوني انت من نقول لكم على شي ما نخوفكم وانما نخليكم تعرفون الشي حتى تشتغلون عليه و تتفادوه، السمنة تزيد خطر الإصابة بأمراض السرطان التالية:
سرطان الغدة الدرقية
سرطان الثدي
سرطان الكبد
سرطان المرارة
سرطان المعدة
سرطان البنكرياس
سرطان القولون و المستقيم
اورام الدماغ
سرطان المريء
سرطان نخاع العظم
سرطان الكلى
سرطان بطانة الرحم
سرطان المبايض
ربي يبعدنا ويبعدكم عن السمنة وعواقبها.
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
بکالوريوس طب وجراحة عامة
بورد ( دكتوراه) في الطب الباطني
عضو الكلية الأمريكية للأطباء
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/
#DrSoranHassanZangana
from د. سيف سمير البياتي