التهاب القولون التقرحي ومرض كرونز بهذا البوست حأتناول موضوع تغذيتهم (الحالات تجيني دائما مشخصه من اطباء الجهاز الهضمي ويحولوهم لأجل النظام الغذائي اللي ممكن يساعدهم)
لازم نعرف انه هالامراض شئنا ام ابينا رح يمرون بأنتكاسات حتى لو كانوا ملتزمين بالعلاج والنظام الغذائي الصحلكن من نعلمهم التغذيه الصح والالتزام بالعلاج رح تقل الانتكاسات وتقل شدتها واثرها السلبي على صحه المريض
لازم ايضا نعرف انه ماكو قاعده تمشي على كل المرضى لذلك لكل مريض نظامه الخاص لأن مثلا اغلب المصابين تسوء حالتهم لأصناف معينه من الطعام بينما بعضهم يفيدهم هالصنف
لذلك يحتاج الموضوع الى اخذ معلومات عديده حتى تترتب وضعيته
كخطوط عريضه نحاول نجنبهم الدهون المشبعه/ الگلوتين ايضا اثناء النوبات او الانتكاسات قد يضرهم/ بكل الاحوال الالياف تضرهم لذلك نحاول نجنبهم الاغذيه الغنيه بالالياف مثل الحبوب الكامله والخضار والفواكه بقشورها
سكر اللاكتوز ايضا يسبب تهيج الحاله عند نسبه عاليه لذلك نقلله للحد الادنى سواءا الحليب والاجبان ولازم نعوضهم بمصادر اخرى تعوضهمالعناصر الغذائيه اللي حيفقردوها٠
طبعا الوجبات يفضل تكون صغيره ومتعدده يعني ممكن توصل الى خمسه او سته وجبات وماننسى انه الوضع النفسي والقلق اكيد تاثيره سئ عليهم فنحثهم مثلا عالرياضه البسيطه والاسترخاء واليوكا وووو
لاحظتوا بالسنوات الاخيره شكد زاد عدد الاصابات بهالامراض؟ تعرفون اشخاص مصابين بيهه وشنو الاعراض اللي ضعهرت عندهم حتى الكل يستفاد وينتبه
د.زينه البياتي/طبيبه تغذيه
https://www.facebook.com/zinaclini/
https://instagram.com/dr.zinahbayaty.nutrition1?utm_medium=copy_link
#جمال
#تجميل
#تغذيه
#fitness
from د. سيف سمير البياتي